Menningarnótt 2026

Á Menningarnótt laugardaginn 22. ágúst verður fjölbreytt dagskrá í Þjóðminjasafni Íslands. Víkingafélagið Rimmugýgur slær upp tjaldbúðum við safnið líkt og mörg undanfarin ár og heimur miðalda lifnar við - þú mátt ekki missa af því!

Boðið verður upp á sérfræðileiðsögn Guðrúnar Hildar Rosenkjær sagnfræðings og meistara í kjóla- og búningasaum um sýninguna „Með sögu í farangrinum - Brúðarbúningurinn" og söngstund verður fyrir alla fjölskylduna þar sem sungin verða lög um hunda og ketti.

Sýningar safnsins verða á sínum stað og spennandi vöruúrval í safnbúðinni.

Aðgangur er ókeypis þennan dag og við hlökkum til að sjá ykkur, unga sem aldna, á skemmtilegasta degi sumarsins!

Dagskrá

Kl. 12: Víkingaleikir
Kl. 13: Vopnaskak
Kl. 13:30: Söngstund í fjölskyldurými
Kl. 14: Sögustund og Hringdans
Kl. 15: Sérfræðileiðsögn um sýninguna „Með sögu í farangrinum - Brúðarbúningurinn"
Kl. 15: Vopnaskak
Kl. 16: Víkingaleikir
Kl. 17: Kveðjuathöfn, dagskrá lýkur