Hvers virði er líðan mín? Sýning Hagaskóla á Barnamenningarhátíð

Sýningin er hluti af Barnamenningarhátíð 2025. Sýnd verða listaverk eftir nemendur í 8. bekk í Hagaskóla.

Líðan unglinga hefur mikið verið í umræðunni og með þessu verkefni fá þau sjálf orðið í þeirri umræðu. Verkefnið er samþætting á milli textíl- og sjónlista, þar sem nemendur nota blandaða tækni; teikningu, útsaum og málun. Unnið var út frá verkum listakonunnar Söru Vilbergs sem hefur grandskoða fólk, samskipti þess og tjáningu með svipbrigðum, og saumað út í striga.

Gerð var óformleg og óvísindaleg könnun og nemendur beðnir að nefna þær þrjár tegundir líðanar sem þeir finni oftast fyrir. Miðað við niðurstöður unnu nemendur með eftirfarandi líðan í verkefninu: gleði, kvíði, pirringur, reiði, stress, spenna, þreyta, sorg. Eftir kynninguna á listakonunni og hennar verkum drógu nemendur miða með líðan sem þau áttu að birta á striganum.

Í framhaldi af vinnunni tóku kennarar umræðu með nemendum um virði hverrar líðanar og hvað þurfi að gera til að bæta hana og hverju þurfi að fórna.

Við hlökkum til að sjá ykkur!

Hér að neðan má sjá verk nemenda í vinnslu: