Fréttir og greinar

Þjóðminjasafn Íslands leitar að öflugum einstaklingi í starf sérfræðings í þjóðháttasafni Þjóðminjasafnsins. Safnið hefur í rúm 60 ár safnað upplýsingum um lifnaðarhætti í landinu og leitar nú að sérfræðingi meðal annars til að þróa starfið í takt við stafrænan samtíma. Sérfræðingurinn þarf að hafa þekkingu og reynslu á rannsóknum og miðlun innan fræðasviðs þjóðfræði. Um er að ræða spennandi starf sem reynir á ólíka hæfni svo sem frumkvæði, nákvæmni, skapandi hugsun, samvinnu, tækniþekkingu og leiðtogafærni. Sérfræðingur í þjóðháttasafni heyrir undir framkvæmdastjóra munasviðs með starfsstöð á Tjarnarvöllum í Hafnarfirði. Vinnustaðurinn okkar er fjölbreyttur og lifandi, þar sem sköpun, fræðsla og varðveisla menningararfsins fléttast saman í hvetjandi og framsæknu umhverfi.

Þjóðminjasafn Íslands kynnir jóladagskrána sem hefur fylgt landsmönnum í gegnum þrjár kynslóðir, en hún er orðin fastur liður í jólaundirbúningi fjölmargra fjölskyldna á höfuðborgarsvæðinu. Barna- og fjölskyldurýmið hefur verið fært í jólabúning og er nú tilbúið til að taka á móti jólasveinum, Grýlu og Leppalúða, jólaskellunum og öðrum jólagestum! Dagskráin hefst þann 30. nóvember og stendur yfir til 24. desember. Jólakattaratleikurinn er aftur á móti tiltækur fram yfir þrettándann.

Þjóðminjasafn Íslands leitar að fræðimanni í rannsóknarverkefni til 12 mánaða tengda nafni dr. Kristjáns Eldjárns. Í ár verður sérstök áhersla lögð á rannsóknir á sviði fatnaðar, textíla og búninga í safnkosti Þjóðminjasafns Íslands. Leitað er að fræðimanni með skýra rannsóknarsýn og metnaðarfulla nálgun sem styrkir og eflir fræðastarf safnsins.

Gleðilega páska. Á Þjóminjasafninu ætti öll fjölskyldan að finna eitthvað við sitt hæfi á fjölbreyttum sýningum, við leik í fjölskyldurými á fyrstu hæð eða yfir heitum kaffibolla á kaffihúsinu. Í safnabúðinni er síðan að finna fallegar fermingar- og tækifærisgjafir.

Þjóðminjasafn Íslands í samstarfi við Grindavíkurbæ og Minja- og sögufélag Grindavíkur safnar nú upplýsingum um viðhorf og minningar fólks af jarðhræringum á Reykjanesskaga sem staðið hafa yfir frá árinu 2019.

Fjölmenni var í Þjóðminjasafninu á laugardaginn við opnun sýningarinnar Samtal við Sigfús - Í fótspor Sigfúsar Eymundssonar. Á sýningunni eru ljósmyndir Einars Fals Ingólfssonar og Sigfúsar Eymundssonar.

Þjóðminjasafnið fagnar 162 ára afmæli með nýrri vefsíðu. Jökulá hannaði síðuna.

Einn glæsilegasti faldbúningur sem varðveist hefur verður sýndur í Þjóðminjasafni Íslands um mitt ár 2026. Líklegt þykir að Guðrún Skúladóttir (1740-1816) hafi saumað búninginn. Guðrún var mikils metin hannyrðakona og tók að sér saumaskap fyrir aðra auk þess að sinna handavinnukennslu.

Fjölmenni var í Þjóðminjasafninu þann 14. júní, en þá voru opnaðar tvær sýningar í tilefni 80 ára afmælis lýðveldisins, Lögréttutjöldin og Þjóð í mynd.

Þjóðháttasafn Þjóðminjasafnsins hefur birt nýja spurningaskrá á Sarpi sem hefur það að markmiði að safna sögum um þjóðtrú og siði sem tengjast sjómennsku. Í tilefni Sjómannadagsins leitar Þjóðminjasafn Íslands nú til heimildamanna til að safna upplýsingum um þjóðtrú og siði tengda sjómennsku.

Á sumardaginn fyrsta voru tilnefningar til Íslensku safnaverðlaunanna tilkynntar. Sýningin Með verkum handanna hlaut tilnefningu. Íslensku safnaverðlaunin eru viðurkenning sem fellur í skaut íslensku safni fyrir framúrskarandi starfsemi á sínu sviði. Þjóðminjasafn Íslands er tilnefnt til Íslensku safnaverðlaunanna fyrir sýninguna Með verkum handanna: Íslenskur refilsaumur fyrri alda ásamt útgáfu og dagskrá.