Þjóðbúningahátíð - laugardagur

Helgina 5.-6. september verður sannkölluð þjóðbúningahátíð í Þjóðminjasafni Íslands. Á hverju hausti fagnar Þjóðminjasafnið íslenska þjóðbúningnum með hátíð kringum dánardag Sigurðar málara Guðmundssonar. Sigurður var fyrsti sérstaki umsjónarmaður Þjóðminjasafns Íslands, sem þá hét Forngripasafnið, og átti stóran þátt í að móta og endurverkja íslenska þjóðbúninginn á 19. öld.

Í tilefni hátíðarinnar eru landsmenn og aðrir gestir hvattir til að mæta á Þjóðminjasafnið í íslenska þjóðbúningnum eða búningi sinnar þjóðar. Þjóðminjasafnið mun bjóða þeim sem mæta í þjóðbúningi endurgjaldslaust á sýningar og viðburði dagsins.

Dagskrá, laugardagur 5. september

Kl. 14-15: Handverksfólk frá Heimilisiðnaðarfélagi Íslands og lifandi tónlist í sölum safnsins
Kl. 15-16: Þjóðdansar í anddyri safnsins
Kl. 16: Gengið út í Hólavallakirkjugarð með blómsveig að leiði Sigurðar málara

Á Þjóðminjasafninu ættu öll að finna eitthvað við sitt hæfi. Fyrir utan grunnsýningu safnsins og sérsýningar þess, stendur barna- og fjölskyldurýmið á 1. hæð opið fyrir öll. Þá er notalegt að setjast niður á kaffihúsinu, njóta drykkja og annarra veitinga eða líta við í safnbúðina, en þar eru á boðstólum fágætar vörur af ýmsu tagi.

‍