Þjóðbúningadagurinn 2025
Þjóðbúningadagur Þjóðminjasafns Íslands og Heimilisiðnaðarfélags Íslands verður haldinn hátíðlegur laugardaginn 6. september, kl. 13 til 16. Í tilefni dagsins eru landsmenn og aðrir gestir hvattir til að mæta á Þjóðminjasafnið í íslenska þjóðbúningnum eða búningi sinnar þjóðar. Þjóðminjasafnið mun bjóða þeim sem mæta í þjóðbúningi endurgjaldslaust á sýningar og viðburði dagsins.
Þjóðminjasafn Íslands, í samstarfi við Heimilisiðnarfélag Íslands og norska sendiráðið, standa fyrir metnaðarfullri dagskrá í tilefni Þjóðbúningadagsins.
Kl. 13:00
Harpa Þórsdóttir, þjóðminjavörður, setur hátíðina.
Staðsetning: Fyrirlestrarsalur á 1. hæð Þjóðminjasafnsins.
Kl. 13:00-14:00
Norskar þjóðbúningahefðir og skráning norska þjóðbúningsins á lista UNESCO yfir óáþreifanlegan menningararf mannkyns.
Mette Vårdal sagnfræðingur.
Staðsetning: Fyrirlestrarsalur á 1. hæð Þjóðminjasafnsins.
Kl. 14:00-15:00
Þróun íslenska þjóðbúningsins.
Staðsetning: Leiðsögn um grunnsýningu Þjóðminjasafnsins.
Kl. 15:00
Þjóðdansafélag Reykjavíkur stígur þjóðdans og býður gestum að stíga með þeim dansinn.
Myndakassi verður opinn frá kl. 12-17 en þar geta prúðbúnir gestir safnsins stillt sér upp í þjóðbúningunum sínum og smellt af sér mynd.
Á Þjóðminjasafninu ættu öll að finna eitthvað við sitt hæfi. Fyrir utan grunnsýningu safnsins og sérsýningar þess, stendur barna- og fjölskyldurýmið á 1. hæð opið fyrir öll. Þá er notalegt að setjast niður á kaffihúsinu, njóta drykkja og annarra veitinga eða líta við í safnbúðina, en þar eru á boðstólum fágætar vörur af ýmsu tagi.
