Safnanótt: Kvöldvaka við baðstofuna með kvæðamannafélaginu Iðunni
Öldum saman styttu Íslendingar sér stundir við vinnu sína á kvöldin í baðstofunni með ýmis konar skemmtun, afþreyingu og fræðslu. Á meðan heimilisfólk sat á rúmstokknum með verk í hönd tók eitthvert þeirra að sér að kveða, segja sögu eða lesa upp úr gömlum eða nýjum ritum hinum til skemmtunar.
Gestum Þjóðminjasafnsins býðst að hverfa aftur á 19. öld, setjast á bekk með kamba eða snældu í hönd, og upplifa kvöldvöku þar sem félagsfólk Kvæðamannafélagsins Iðunnar sér um afþreyinguna. Dagskráin hefst með kvæðalagaæfingu þar sem ungum sem öldnum verður kennt að kveða nokkar stemmur við vísur sem höfða til barna. Síðan verður dagskráin óslitin og afar fjölbreytt því allan tímann tekur eitt við af öðru, svo sem ýmiss konar kveðskapur, rímur og vísur fluttar af kvæðamönnum og -konum, einnig börnum, sagnaþulur segir sögu, vísur og kvæði lesin upp, langspilsleikur, söngur, lítið hagyrðingamót þar sem þrír hagyrðingar flytja frumsamdar vísur með ákveðnu þema og sagnadans (víkivakadans/hringdans).
Kynnir: Bára Grímsdóttir
19:00 Kveðum saman ungir sem aldnir - Kolbrún Hulda Tryggvadóttir og Sigrún Hákonardóttir sjá um samkveðskap.
19:30 Bára Grímsdóttir – söngur, kantele og kveðskapur með börnum
19:35 Leikið á Langspil og fjalladolcemer – Chris Foster og Gabe Dunsmith
19:50 Magnea Einarsdóttir sagnaþulur lætur gamminn geysa.
20:00 Söngur og kveðskapur - Tríó Zimsen, þau Iðunn Helga, Gréta Petrína og Jóhannes Jökull
20:15 Litla hagyrðingamótið – Sigurlína Davíðsdóttir
20:25 Kvæðamaðurinn Linus Orri Cederborg Gunnarsson kveður vel valdar vísur.
20:35 Vísnahornið - Ragnar Ingi Aðalsteinsson flytur gamanvísur
20:50 Atli Freyr Hjaltason leikur danslög Jónasar á harmonikku.
21:00 Tvísöngur – Þorsteinn Björnsson og Karl Hjaltason
21:15 Kveðskapur og ljóðalestur - Gunnar Straumland flytur frumsamin ljóð og vísur
21:30 Sagnadans - Atli Freyr Hjaltason leiðir alla í dansinn
22:00 Dagskrárlok
Enginn aðgangseyrir er á viðburði safnsins á Safnanótt.
