Galdrar á Íslandi
Þjóðminjasafnið og Hyldyr bókaútgáfa efna til málþings um galdra á Íslandi.
Í seinni tíð hefur áhugi fólks á galdrahefð fyrri alda og heimildum um hana farið vaxandi. Margvísleg galdrakvæði, þulur og galdratákn frá 17., 18. og 19. öld hafa varðveist í íslenskum heimildum og vakið forvitni víða um heim. Árni Magnússon og skrifari hans Jón Ólafsson úr Grunnavík varðveittu slíkt efni og auk þess skráði Jón Grunnvíkingur og skrifaði um galdraefni sem rak á fjörur þeirra.
Á málþinginu verða flutt fjölbreytt erindi um íslenska galdrahefð, afstöðu Árna Magnússonar til galdra, útgáfu galdrahandrita og áhuga samtímafólks á slíku efni. Þá gaf bókaútgáfan Hyldyr nýverið út galdrakver úr safni Árna Magnússonar, AM 434 d 12mo, og mun Kári Pálsson útgefandi og þjóðfræðingur segja frá kverinu.
Dagskrá
Fundarstjóri og kynnir er Jón Jónsson þjóðfræðingur.
13:00 - Jón Jónsson heldur stutta kynningu á efni viðburðarins.
13:10-13:40 - Már Jónsson, prófessor í sagnfræði - Árni Magnússon og galdrafár 17. aldar.
13:40-14:10 Haukur Þorgeirsson, rannsóknarprófessor við stofnun Árna Magnússonar í íslenskum fræðum: Galdrahefðin á Íslandi.
14:10-14:40 Teresa Dröfn Freysdóttir Njarðvík, doktorsnemi í íslenskum bókmenntum: Í upphafi var orðið: Af göldrum, rúnum, kvæðum og galdrastöfum.
14:40-15:00 Kaffihlé. Boðið verður upp á kaffi og kleinur.
15:00-15:30 Kári Pálsson, þjóðfræðingur: Um galdrakverið AM 434 d 12mo.
15:30-16:00 Joseph Stanley Hopkins frá bókaútgáfunni Hyldyr: Observations on publishing grimoires for modern popular audience. Erindið verður flutt á ensku.
Að loknu hverju erindi verður gefið rými fyrir spurningar.
Aðgangur er ókeypis.
