Stofnun lýðveldis á Íslandi - kvikmynd
Þann 13. október var kvikmyndin Stofnun Lýðveldis á Íslandi sýnd í Þjóðminjasafninu. Sýnd var upprunaleg útgáfa myndarinnar, sem ekki hafði sést opinberlega í heild sinni í áratugi. Íslenska ríkið lét taka kvikmyndina við stofnun lýðveldisins árið 1944.
.webp)
Ekki er leyfilegt að birta sjálfa myndina á þessari rás eins og gefur að skilja - en á vef Kvikmyndasafns Íslands má nálgast hana: Fyrri hluti og seinni hluti.
Í fyrra myndbandinu flytur Gunnar Tómas Kristófersson sérfræðingur rannsókna á Kvikmyndasafni Íslands erindi að lokinni sýningu á myndinni. Gunnar Tómas fer yfir bann við starfi ljósmyndara á hátíðarsvæðunum, tilurð myndarinnar og dræmar viðtökur hennar. Myndin átti að vera heimild um þennan merka dag, en endaði á því að vera heimild um ansi viðamikið klúður við upptökur á stofnun lýðveldis á Íslandi.
Í síðara myndbandinu er kynnig Gunnars Tómasar fyrir sýningu myndarinnar. Bryndís Erla Hjálmarsdóttir er kynnir.
