Fjölmenni var í Þjóðminjasafninu á laugardaginn við opnun sýningarinnar Samtal við Sigfús - Í fótspor Sigfúsar Eymundssonar. Á sýningunni eru ljósmyndir Einars Fals Ingólfssonar og Sigfúsar Eymundssonar.

Forseti Íslands, frú Halla Tómasdóttir, opnaði sýninguna. Fjöldi gesta var á opnuninni og voru gestir hæstánægðir með sýninguna. Samtal við Sigfús er sýning sem enginn ljósmyndaunnandi ætti að láta fram hjá sér fara.

Sýningin er eins konar samtalsverk Einars Fals við frumkvöðul ljósmyndunar á Íslandi, Sigfús Eymundsson (1837-1911). Einar Falur hefur haft Sigfús, eða verk hans, sem fararstjóra á ferðum sínum um landið og myndað staði sem forveri hans myndaði svo úr verða samtalsverk ljósmyndara samtímans og ljósmyndara 19. aldar. Ljósmyndir Sigfúsar eru ýmist ný prent eða frumprent frá 19. öld sem sjaldan sjást og eru fágætir dýrgripir.

Hér má lesa meira um sýninguna og skoða verk á henni.

Myndir

No items found.
Stay tuned

Subscribe to our newsletter

Subscribe to the Museum's newsletter and receive invitations to exhibition openings, news about events and lectures, and special offers in the Museum Shop.

Thanks! Check your inbox and click the link to confirm your subscription.
Something went wrong. Please try again.