Surveillance cameras
Security cameras are an essential part of the security system at the National Museum of Iceland. Experience has shown that security cameras have significant deterrent value and can be invaluable in solving theft and vandalism cases. They are part of the museum's efforts to protect artifacts, the property of the National Museum of Iceland, its staff, and visitors, as well as to enhance general safety at its locations.
Athugið þó að aðeins er hægt að skila könnuninni á Sarpi.
Spurningarkönnun: Jarðhræringar á Reykjanesi
Þjóðminjasafn Íslands í samstarfi við Grindavíkurbæ og Minja- og sögufélag Grindavíkur safnar nú upplýsingum um viðhorf og upplifanir fólks af jarðhræringum á Reykjanesskaga sem staðið hafa yfir frá árinu 2019. Þá er sérstaklega horft til tímabilsins fyrir og eftir rýmingu Grindavíkur 10. nóvember 2023.
Ljóst er að atburðirnir í Grindavík frá haustinu 2023 eru sérstæðir í sögu Íslands. Leitast er við að safna upplifun fólks af jarðhræringum sem krefjast rýmingu heils bæjarfélags og sér ekki enn fyrir endann á þeim atburðum.
Viljir þú deila með okkur viðhorfum þínum, minningum og reynslu erum við afar þakklát. Svörin mega gjarnan vera lýsandi og ítarleg, við viljum fá sem mestar upplýsingar um efnið. Þú mátt endilega taka ýmis konar dæmi af þinni reynslu. Þú getur einfaldlega sleppt þeim spurningum sem höfða ekki til þín og einbeitt þér að hinum. Öll svör bæta við þekkingu á þessum atburðum.
Athugaðu að lesa vel liðinn um notkun upplýsinga til að þú getir gefið upplýst samþykki þar að lútandi. Svör við spurningaskránni verða lokuð til áramóta 2026-2027 en munu í framhaldinu birtast nafnlaust í menningarsögulega gagnagrunninum Sarpi.is. Óski rannsakendur eftir lesaðgangi að gögnunum fyrir þann tíma skal óskað eftir því hjá Þjóðminjasafni Íslands sem metur hverja beiðni fyrir sig út frá siðareglum ICOM og starfsreglum safnsins. Um varðveislu gagna í Sarpi má lesa hér: https://sarpur.is/UmSarp.aspx
Við minnum á hjálparsíma Rauða krossins 1717.
Fyrst eru spurningar sem snúa að atburðarrás jarðhræringana frá 2019 og til dagsins í dag. Í framhaldinu er spurt um viðbrögð samfélags, almannavarna, stjórnvalda og fjölmiðla. Þér er alltaf velkomið að sleppa spurningum og svara einungis þeim sem höfða til þín.
Notkun upplýsinga
Þú getur valið hvernig farið verður með þær upplýsingar sem þú gefur í svörum við þessari spurningaskrá. Svör við spurningaskránni eru lokuð til áramóta 2026-2027 nema rannsakendum sé veitt sérstakt leyfi til að nýta gögnin. Eftir þann tíma munu svör birtast nafnlaust á sarpur.is. Aðeins er gefið upp kyn og aldur svarenda. Svör þín munu ekki birtast nema með þínu samþykki.
Þú getur alltaf dregið svör þín til baka með því að hafa samband við þjóðháttasafn Þjóðminjasafnsins í gegnum netfangið thjodminjasafn@thjodminjasafn.is eða í síma 5302200.