Fréttir
Troðfullt hús við opnun ljósmyndasýninga um helgina
Þann 16. september opnuðu tvær ljósmyndasýningar í Þjóðminjasafninu. Fjölmargt var við opnunina og góður rómur gerður að sýningunum.
Ef garðálfar gætu talað er afrakstur ljósmyndaskráningar þeirra Sigríðar Marrrow og Þórdísar Erlu Ágústsdóttur á hjólhýsabyggðinni á Laugarvatni sem nú heyrir sögunni til eins og landsmenn vita. Myndirnar sýna myndir af samfélagi sem teljast verður einstakt á landsvísu.
Einnig eru nú sýndar ljósmyndir í eigu Ljósmyndasafns Íslands frá Laugarvatni, sú sýning ber heitið Sumardvalarstaðurinn Laugarvatn. Á henni eru syrpur mynda sem sýna sumardvalarstaðinn og skólasamfélagið á Laugarvatni, auk mynda frá Landsmóti UMFÍ árið 1965.