Nýtt starfsfólk
Í september og október voru fimm störf auglýst hjá Þjóðminjasafni Íslands. Tæplega 300 umsóknir bárust samtals um þessi störf.
Gengið hefur verið frá ráðningu í öll störfin og hafa eftirfarandi starfsmenn verið ráðnir og hefja þeir störf í janúar og febrúar á næsta ári.
Þjónustustjóri - Kristín Ýr Hrafnkelsdóttir
Kristín hefur lokið MSc í alþjóðaviðskiptum frá Viðskiptaháskólanum á Bifröst, meistaraprófi í viðskiptafræði og stjórnun frá Pratt Institute og BA í textíl hönnun frá Listaháskóla Íslands. Kristín Ýr Hrafnkelsdóttir hefur starfað sem rekstrarstjóri Jarðhitasýningar ON í Hellisheiðarvirkjun frá árinu 2016.
Samskiptastjóri - Steindór Gunnar Steindórsson
Steindór hefur lokið BA í tómstunda- og félagsmálafræði ásamt MA í blaða- og fréttamennsku. Steindór Gunnar hefur frá árinu 2015 starfað hjá UNICEF Ísland sem framleiðandi og vörumerkjastjóri, áður var hann hjá Rauða krossinum í Reykjavík sem upplýsinga- og kynningarfulltrúi.
Sérfræðingur í miðlun menningarsögu - Kristján Mímisson
Kristján lauk doktorsprófi í fornleifafræði frá Háskóla Íslands árið 2020. Frá árinu 2018 hefur hann verið þráðarstjóri (e. strand manager) í öndvegisverkefninu Heimsins hnoss: Söfn efnismenningar, menningararfur og merking við Háskóla Íslands. Þá hefur hann sinnt stundakennslu við Háskóla Íslands frá árinu 2008.
Sérfræðingur í skráningu - Ólöf Bjarnadóttir
Ólöf lauk BA í arkitektúr frá Listaháskóla Íslands árið 2007og MA í safnafræði við Háskóla Íslands 2020. Frá árinu 2019 hefur Ólöf starfað sem fræðslufulltrúi og sem safnfulltrúi við Hafnarborg, menningar og listamiðstöð Hafnarfjarðar.
Verkefnastjóri sýninga - Bryndís Erla Hjálmarsdóttir
Bryndís Erla lauk BA í myndlist við Listaháskóla Íslands árið 2001 og meistaranámi í myndlist frá Glasgow School of Art árið 2005. Frá árinu 2016 hefur Bryndís Erla starfað sem deildarstjóri skráninga í i8 gallerí. Þá starfaði hún sem verkefnastjóri safnadeildar hjá Listasafni Reykjavíkur 20010-2016.